Како до платена пракса во странство?

Идеалната приказна би била онаа каде завршуваш факултет и веднаш се вработуваш. Но, реалниот свет не функционира така. Денес компаниите бараат многу повеќе од онаа просечност на која се научени студентите. Тоа може да биде во форма на волонтирање, некакво практично искуство или работа во интернационална компанија. Сепак сите ги сакаат најдобрите таленти во својот тим, нели?

Младите во Македонија многу често се прашуваат како можат да дојдат до некакво вредно и практично искуство кое компаниите го бараат, а тоа да е работа од нивната позадина на студии или интереси.

Звучи супер, но како да стигнеш до ова?

Постојат 3 типа на пракси преку AIESEC: волонтирање на проекти, работа во компанија и работа во стартап.  Во овој блог пост  сакаме да ставиме акцент на Global Talent праксите - професионални платени пракси, односно работа во компанија.  Доколку си на возраст од 20 до 30 години и ти треба практично искуство соодветно на твоите интереси, овој тип на пракса е изборот за тебе.

 

plateni praksi makedonija

1. Стартувај од негде

Свесни сме дека не е лесно да се одлучиш на ваков чекор, но младите низ светот и кај нас ова го гледаат како одлична можност да стекнат вештини кои во моментот се бараат.

Процесот на пребарување на пракса која можеби е пресудна за твојата иднина е многу едноставен. На платформата aiesec.org можеш да пребаруваш илјадници можности на платени пракси во преку 100 држави и територии. Работиш во интернационална компанија со луѓе од цел свет без разлика на твојата позадина на студии.  Секоја пракса е различна и уникатна, а времетрањето може да биде од 3 – 18 месеци.  Замисли го твоето CV после едно вакво искуство? : )

2. Аплицирај

Откако ќе направиш Sign Up на aiesec.org платформата, си го креираш твојот профил. Нашиот тим е секогаш тука за секое твое прашање. Можеш да аплицираш на повеќе пракси кои сметаш дека се соодветни за тебе.  Всушност, и самиот профил ти кажува која е идеалната пракса, светка како семафор од зелено до црвено!

3. Започни да се пакуваш

Откако ќе те примат на пракса, твојата авантура започнува тука. Ова е делот каде потребните документи ти се спремни и само чекаш да дојде датумот кога ќе почнеш со работа. Сепак сметаме дека работа во глобални компании како PwC, Electrolux или DHL е искуство кое ништо не може да го замени! : )

Global Talent праксите не се било какви пракси. Стекнуваш реални вештини кои се бараат во моментот и иако ја имаш титулата практикант, сепак работиш и заработуваш.
Во нашиот претходен блог пост можеш подетално да прочиташ како изгледа едно искуство на практикант од Македонија во една глобална компанија : ) Со среќа!

plateni praksi makedonija

 

Работам на проект за Microsoft! – Искуството на Маја во Унгарија

Запознајте ја Маја Пецева, девојката која веќе 6 месеци работи како Retail Incentive Transaction Specialist во Будимпешта, Унгарија. Да се биде дел од интернационална компанија како млад човек не е лесно, но е едно незаборавно искуство. Способноста да биде дел од две гигантски корпорации, дефинитивно ги издигнува нејзините квалитети и вештини над другите нејзини врсници!

 

1. Ако прашаме твој близок нешто за тебе, што ќе ни каже? :) 

Трудољубива и спремна во секој момент да научи нешто ново и да им помога на другите. Имам стекнато големо животно искуство за време на мојата волонтерска работа и хуманоста ме мотивира да бидам подобра личност секој ден.  Љубител сум на природата и нејзин заштитник, и беше една од причините за моите студии на Машински Факултет на смерот Енергетика и Екологија. По завршувањето на студиите се посветив на хуманитарната работа и имав работни ангажмани во неколку институции.  Потоа ги продолжив на истиот факултет но направив мала промена во мојата кариера. Се запишав на Менаџмент на животен циклус на производ, на програма каде што научив како да гледам на работите од друг агол и да им пристапувам на проблемите со конкретно решение. Стекнатотот знаење од овие студии ми помогна многу при обавување на праксата тука во Будимпешта.

 2.  Моментално си на професионална пракса во компанија преку AIESEC, на програмата Global Talent. Кажи ни нешто повеќе!

Кога започнав да аплицирам за пракса пред скоро една година битно ми беше само да добијам пракса надвор од Македонија, поради желбата за интернационално искуство. На моја среќа ме примија на пракса во Tata Consultancy Service во Будимпешта и сега работам на проект за Microsoft. Сѐ се случи премногу брзо, имав неколку интервјуа, ја добив праксата и морав за две недели да се спакувам и преселам во Унгарија! Немав целосна идеја каде ќе работам, дали компанијата е добра и како ќе се снајдам, но одлучив да го прифатам предизвикот без многу размислување затоа што го сакав ова искуство во мојот живот. И сега после скоро седум месеци благодарна сум си на самата себе за одлуката која ми го промени животот :)

 

studentski praksi makedonija

 3. Опиши ни еден твој работен ден во Унгарија! :)

Секојдневна борба е да се фати метрото на време и да се стигне на пракса! :) Секој нов ден е нов предизвик за решавање проблеми во мојот проект и комуникација со клиентите. Веќе шест месеци ја обавувам праксата и можам слободно да кажам дека до сега ниту еден ден не ми било досадно или сум немала што да правам. Статусот практикант тука има поинакво значење. Како практикант се соочувам со истите обврски и работни задачи како и фул вработените. Работам во канцеларија со околу 14 различни националности од кои преовладува Латинска Америка. Најголем предизвик ми е да го усовршам јазикот и до сега одлично напредувам.

4. Што ти остави најголем впечаток работејќи во интернационална средина?

Интернационалното искуство е нешто што подолго време го посакував и конечно се реализираше. Нема ништо поубаво од фактот дека имам пријатели од секој контитент. Само во мојот проект имам колеги од 14 различни земји. Секој ден е нов час по размена на култури. Интересно е секој миг кога ќе воочиме дека без разлика на културните разлики, начинот на живот и далечина имаме исти изрази за некои работи. На пример, никогаш не би помислила дека во Латинска Америка имаат исто мислење за отворање чадор во затворена просторија – лоша среќа. Најголем предизвик и бенефит истовремено е што никој не се замара со навиките или начинот на живот на другиот. На крајот од денот сметаме дека е само нормално однесување во културата на другиот.   

 

studentski praksi makedonija

 

5. Како ова искуство те промени? :)

Покрај животното искуство, најголем бенефит е паралелното работење за две компании. Мојата матична компанија е ТАТА, меѓутоа давам поддршка за Microsoft. Секојдневно комуницирам со вработените од Microsoft и нивните клиенти во поглед на решавање проблеми и тестирање производи. Способноста да бидам дел од две гигантски корпорации и да обавувам работни обрски ги издигнува моите квалитети и вештини над другите мои врсници. ТАТА ги вреднува квалитетите на вработените и го цени секој вложен труд :)

studentski praksi makedonija

 

 

 

 

 

Денови на Кариера 2017: RECAP

Пред околу еден месец на Економскиот Факултет, го одржавме настанот „CareerDays’17“. Атмосферата беше неверојатна и полна со енергија.

Благодарејќи на веселиот и мотивирачки дух на делегатите, успеавме да создадеме простор за учење, разменување идеи, знаења и искуство.

Настанот започна со пречкот на делегатите и претставниците од компаниите учесници и поддржувачи. Истиот беше официјално отворен со прекрасните зборови на проектниот менаџер Александар Илијевски, Марија Ивковиќ – претседател на локалниот комитет на АИСЕК Скопје и Маријана Секуловска – одговорна за секторот на Кариерниот Центар. Топлото добредојде ги подготви сите учесници за денот што ги очекуваше.Настанот започна со пречкот на делегатите и претставниците од компаниите учесници и поддржувачи. Истиот беше официјално отворен со прекрасните зборови на проектниот менаџер Александар Илијевски, Марија Ивковиќ – претседател на локалниот комитет на АИСЕК Скопје и Маријана Секуловска – одговорна за секторот на Кариерниот Центар. Топлото добредојде ги подготви сите учесници за денот што ги очекуваше.

DSC_0108

Отварањето и пречекот продолжи со поделба на студентите во работилници.

Настанот со својот концепт се погрижи за секој делегат да научи нешто ново и да се стекне со незаборавно искуство. Организацијата преку работилници со мали групи на студенти беше доста погодна идеја каде што се овозможи доволен простор и доволно ресурси со што се оствари целта -да се посвети внимание на секој учесник.

Претставниците од ПроКредит Банка решија да ја организираат работилницата доста динамично. Презентација, мини обука и интервјуа – вистинско искуство.

Работилницата на Охридска Банка посвети внимание на меки вештини и способности на иднината. Преку презентации и дискусија ги доловија највиталните карактеристики во кариерата.

EOS Матрих се издвоија со својата посебна работилница. Вистинска тимска работа и едноставна задача – да се изработи проект и да се дефинира една вештина важна за овој динамичен свет кој континуирано се менува.

Sparkasse посветија внимание на правилниот процес на апликација за работа. Интервју, резиме и краток преглед на трикови за тоа како работодавците ги одбираат своите вработени.

Изработка на осигурителни полиси, осигуруваање и добро подготвени презентации – подготовка за првите неколку чекори кон добивање на работа од соништата. Ова беше работилницата на Кроација Осигурување.

И секако ЕВН пристапија со симулација на интервјуа и им овозможија на студентите да осознаат повеќе за тоа како работи секторот на енергетиката во Македонија.

По работилниците, делегатите учествуваа во панел дискусијата и го добија одговорот на прашањето „Како до поголема вредност на студентот пред работодавецот“. Искуството и знаењето на панелистите се преточи во дискусија од неверојатно значење за присутните.

DSC_0272

Партнерството на АИСЕК Скопје со Економскиот Факултет при У.К.И.М – Скопје, го овозможи ова 21во издание на „CareerDays“. Настанот беше посетен од 160 делегати. Огромна чест ни претстави присуството на секој делегат, мудроста на секој учесник и поддршката на сите оние кој се заслужни за успехот на овогодинешниот Career Days.

Денови на Кариера 2017: Уникатна можност за пракса и вработување

По 20 успешни години традиција и оваа година, во ново руво АИЕСЕК Скопје и Економски факултет УКИМ Скопје го претставуваат настанот којшто на своите делегати им донесе безброј контакти, вештини и алатки и обезбеди простор за соединување на очекувањата меѓу студентите и компаниите, Денови на Кариера.

Во екот на пролетта, на 17 март во просториите на Економскиот факултет, ќе се обидеме повторно да ги задоволиме потребите на движечката сила на иднината , студентите и корпоративниот сектор, компаниите. Делегатите оваа година ќе имаат уникатна можност со учеството, да заминат од настанот со пракса или пак понуда за вработување.

Како ќе го сториме тоа?

На агендата тој петок, покрај одгатнување на прашањето Како до поголема вредност на студентот пред работодавците?“ коешто е тема на панел дискусијата, додадовме и  компаниски презентации и работилници од истите , составени со цел создавање средина каде што делегатите ќе имаат можност нешто ново да научат, но и да ги покажат своите способности и да бидат препознаени од компаниите.

На овие работилници студентите би имале шанса да се запознаат со успешни приказни од македонската бизнис сфера и да бидат регрутирани од страна на компанијата како практикант или вработен. Компаниите пак, имаат шанса да допрат до потенцијалот на македонскиот студент, а воедно и да го развијат и инкорпорираат во својот состав.

Зошто да аплицирате веднаш?

АИЕСЕК како организација верува дека лидерството е основното решение за сите глобални и локални проблеми. Според ова, ние веруваме дека секој проблем што го засега нашето општество може лесно да се реши доколку на македонската младина ѝ се овозможи да стане лидер за позитивна промена.

За да се реализира оваа цел она што ѝ треба на младината не е само теоретско, туку и практично знаење и искуство, а со овој настан – Денови на Кариера 2017, го обезбедуваме токму тоа.

Каде? Како? Кога?

Котизацијата за настанот чини 300 денари и истата ви овозможува незаборавно искуство во текот на целиот ден.

Сè што треба вие да направите е да викнете друштво, аплицирате на https://goo.gl/forms/bdsA2Yhre9xvFBwr2 , да дојдете на 17ти март на Економскиот факултет при УКИМ во Скопје и да се впуштите во мрежата од можности што ги нуди Денови на Кариера 2017!

Alumni stories: Волонтерското искуство на Кристина Прилепчанска во Аргентина

Моето искуство во Аргентина траеше месец и половина и за тоа време таму предавав aнглиски јазик. Студирав на Машински Факултет, но предавав англиски на ученици од предшколска возраст, па се до возрасни од 40тина години во Институт за англиски јазик. Сакав да отидам баш во Аргентина затоа што беше дестинација која уште како мала сум сонувала да ја посетам. Шпанскиот јазик го знаев онолку колку и повеќето мои врсници во Македонија – само од серии што сум ги гледала како дете. На крајот на мојата пракса воочив дека со мојот престој таму научив толку колку што се учи овде во можеби и една година. Доживеав културен шок кога отидов во Аргентина, но не беше огромен поради сличностите кои ги видов во секојдневието и менталитетот таму, па единствената огромна разлика беше што не го знаев јазикот доволно за да се разберам, а таму речиси никој не зборува англиски. Сепак, тоа беше еден од предизвиците кој сакав и успеав да го надминам. Преку праксата придонесов да учениците имаат можност да го вежбаат англискиот јазик, особено изговорот, со некој надвор од латинска америка. Уште на самиот почеток се договоривме со останатите предавачи во институтот да со учениците зборуваме стриктно на англиски (дури и да се преправаме дека воопшто не разбираме шпански) за тие да мораат на тој јазик да разговараат со нас.

5

Бев сместена во Ла Плата, административниот центар на Аргентина, недалеку од главниот град Буенос Аирес. Праксата беше овозможена од Локалниот Комитет Ла Плата. Во периодот додека јас бев таму паралелно се одвиваа два проекти и освен мене имаше уште 12-15 практиканти. Другите практиканти беа од останатите држави во Јужна Америка (Бразил, Еквадор, Перу, Мексико), 3 девојки беа од САД, а само јас и една девојка од Франција доаѓавме од Европа. Освен што научив многу за аргентинската култура и историја, научив многу и за цела Јужна Америка, а особено ми беше интересно да дознаам за историјата на континентот пред доаѓањето на шпанските и португалските колонии, за старите цивилизации и народи и како сегашните жители гледаат на тоа. Преку останатите практиканти имав можност да слушнам и малку поинакви дијалекти на шпанскиот јазик.

4

Престојував со семејство во кое бев топло примена како нивен член и со кое сум сè уште во контакт. Во ниту еден момент не се почувствував осамена затоа бев инволвирана во сè што се случуваше во семејството, во институтот имав прекрасни колеги и атмосфера, а во слободното време се организираа дружби со останатите практиканти и членовите на АИЕСЕК. Излегувавме во кафулиња, ресторани, дискотеки, членовите организираа собиранки кај нив дома, со уште неколку практиканти еден викенд дури и искористивме да отидеме до северниот дел на Аргентина, на тромеѓето со Бразил и Парагвај и да ги видиме најголемите водопади на светот – Игуасу. Неколку пати бевме и во посета на Буенос Аирес. Она што го направи искуството уште поинтересно е тоа што во периодот додека бев таму се одвиваше Светското Фудбалско Првенство во Бразил, во кое Аргентина играше и во финалето, и за време на сите натпревари во кои учествуваше нивниот тим сè беше ставено на пауза – улиците се празнеа, продавниците се затвораа и сите се организираа и собираа некаде за да навиваат за тимот. Откако ќе победеа, улиците се преплавуваа со навивачи облечени во националните дресови, насекаде го имаше аргентинското знаме и градовите ечеа од навивачките песни.

3

Освен што сите практиканти низ секојдневието си ги претставуваме и учевме еден од друг за своите земји, еден ден беше одвоен и специјално за тоа. Интернационалната вечер се организираше во куќата на семејството каде бев јас сместена (мојата аргентинска “сестра” беше член на АИЕСЕК) и таа вечер сите практиканти се претставивме со некое традиционално јадење и пијалок. Во Јужна Америка ги пробаа македонските ракија, мастика, ајвар, малиџано, па и грав и сарма, а некои знаат и да кажат по некоја реченица на македонски и дури и да заиграат малку пајдушко.

2

Да отидеш на волонтерска пракса значи да одиш за да придонесеш на некаков начин за локалната заедница. Ви препорачувам на сите да одите на каква било пракса преку АИЕСЕК затоа што ќе ви го смени начинот на гледање на светот, луѓето и нивните култури. Оставете ги умот и душата отворени, дури не се ни обидувајте да дознаете и истражите многу за земјата во која одите пред патувањето за да имате каде да ги складирате впечатоците додека сте таму и да уживате во тоа што ви се случува и го осознавате во моментот.

15645100_10211614969951189_1460972764_n

Промената што едно вакво искуство ја прави е најмногу во комуникацијата со луѓето, затоа што кога си цело време во една средина, во комфорната зона, немаш можност да воочиш дека има толку различни луѓе, менталитети и мислења, а тоа може само интернационалното искуство да го овозможи. Учиш како да се снаоѓаш сам (и покрај тоа што си опколен со нови пријатели) и сорзеваш. Учиш и откриваш многу работи за самиот себе затоа што и ти како личност за прв пат имаш шанса да се видиш себеси во нова околина и нови ситуации. На крај, секогаш остануваат добрите спомени и доживотните пријателства!

xbd

 

Приказна од другата страна на светот: Ивона Шукроска

  Обожавам да патувам и да запознавам различни земји и култури. Себе си се сметам за голем авантурист, затоа Азија ми беше предизвик. На пракса бев во Кина, истата се одвиваше во градот Гоангџо, кој е трет најголем град во Кина. Очекував да биде многу различно, некои работи беа дури шокантни. АИЕСЕК често има штандови за промоција во холовите на факултетите, објави на фејсбук, плакати, флаери. Јас конкретно се информирав преку интернет сајтовите кои често споделуваат за новитетите во организацијата. Волонтерската работа нуди повеќе слобода и покреативни активности, повеќе забава, запознавање на нови луѓе и нови места.

kina-1

Мојот проект се одвиваше во Гуангџо, 6 недели, и таму посетив речиси се, од музеи до паркови, потоа бев Хонг Конг кадешто се задржав во традиционалниот дел од градот, па во Гулин, местото со многу интересни  планини и оризовите полиња. За крај ги оставив Шангај и Пекинг за кои признавам дека вистински ме воодушевија.Имаше организирано конференција која ги вклучуваше сите членови од сите проекти во Кина баш мојот град, Гуангџо. Ни беа појаснети некои работи, бевме предупредени за разликите, за културниот шок и слично. Секојдневно имавме различни задачи.

15409545_1349957948350717_658416399_o

Проектот за состоеше од 3 дела запознавање, разбирање и интерпретација. Во првиот дел го запознававме градот и содзававме груба слика за културата на градот, во вториот дел посетивме и учествувавме различни работилници во кои изработувавме најразлични предмети и користевме различни кинески техники и во третиот дел создадовме наши продукти кои се базираа врз заклучоците од првите два дела. Работевме околу 6 часа,а после активностите речиси секогаш целата група продолжуваше со некоја заедничка слободна активност.

kina3

Секако дека работата ми претставуваше задоволство. Работата што ја работевме беше креативна и забавна, а колегите од мојот проект беа прекрасни, кул и забавни. Во текот на денот имавме активности и меѓу паузи, а после активностите секогаш продолжувавме или во некои ресторан, куглана или едноставно седевме на плоштадот покрај Гуангџо ТВ tower и уживавме во погледот кон центарот на градот.

kina-4

Луѓето кои беа одговорни за проектот несомнено беа мили, фини, многу ни помагаа и беа многу љубезни. Речиси со сите станавме блиски пријатели и се дружевме и после активностите. Луѓето пак кои беа мои колеги и ги запознав за време на проектот беа дружељубиви и забавни. Се соочив со многу различни култури, религии, обичаи, но сите беа бескрајно позитивни и добри. Дружењето со сите нив навистина беше тоа што го направи целиот проект да биде поинтересен. Не ни помислував дека може толку многу да се зближиш со луѓе што ги знаеш толку кратко време. Пресреќна сум што стекнав толку мноу пријатели од толку различни места од светот. Праксата беше неверојатен предизвик и искуство и дефинитивно би сакала пак тоа да го  искусам, но овој пат на некоја друга страна од светот.

 kina-5

Како АИЕСЕК ми помогна мене – Ивана Барбутова

Студент сум во втора година на Економски факултет во Скопје.

За АИЕСЕК дознав  минатата година преку промоција која се одржуваше на мојот факултет, каде што од страна на членовите на организацијата во целост бев информирана за сите можности кои ги нуди АИСЕК.

Се одлучив да аплицирам и да станам член на АИЕСЕК со цел да се оддалечам од монотонијата на секојдневните предавањата и учењето на факултет, а и да ми бидат исполнети деновите. Сепак главната цел ми беше да се развијам како личност, да го пронајдам својот пат во животот и да ги усовршам моите вештини. По поминато интервју, од октомври 2015 сум активен член на АИСЕК како дел од функционалната област Outgoing Exchange. Во оваа област го здобив искуството на EP Manager, што подразбира водење и помагање на практиканти во нивниот процес на барање и аплицирање како на волентерски така и на професионални пракси во странство. Она што најмногу ме исполнува во оваа работа е контактот кој што се воспоставува со потенцијалните практиканти, но и со странските ентитети во другите држави. Прекрасно е чувството кога ќе успееш да му овозможиш незаборавно стекнато искуство на судентот практикант во странство.

12042855_10153724419228623_5691017165457926288_n

Покрај практикантите што ги испраќаме, имаме и практиканти од други држави кои доаѓаат на пракса во нашата држава. Така на пример, ова лето на волонтерска пракса дојдоа практиканти од  Кина, Азрбеџан, Германија, Литванија, Романија и Србија кои работеа на проектот Green Up. Со помош на овој проект тие настојуваа да ги едуцираат децата од Детското Село во Скопје за важноста на животната средина. Покрај нивната работа, тие успеаа и да посетат многубројни турустички места во Македонија, да се дружат со нас, членовите на АИСЕК и да ја откријат нашата традиција, храна, музика и култура.

Сметам дека АИСЕК е организација која на директен и индиректен начин му овозможува на секој негов член да се надоградува како личност и да се стекне со многубројни вештини како  комуникациски, продавачки, презентациски и многу други кои го прават богато неговото искуство кое е од непроценливо значење за понатамошниот развој и кариера на секој студент и како личност и како професионалец.

14117920_1049732801808823_866679153564732435_n-1

Како член на АИЕСЕК имав можност да бидам делегат на многубројни настани, како  Macedonia Youth to Business Forum и Career Days од каде  успеав да научам нови нешта како на пример за работата во приватниот, но и државниот сектор, за тоа кои се очекувањата на компаниите од студентите и како можам накај нив да се ориентирам и да ги стекнам.

Имав можност да бидам дел и од организацискиот тим на настанот Career Direction, што ги подготвува средношколците за нивните студентски денови. Почувствував како е да се учествува  во организирање настан и кои се сите потребни чекори за активностите, да може истиот да се реализира и да биде успешен. Како тим, научивме да се справувавме со различните проблеми кои ни беа на патот и реализиравме еден успешен настан.

13006500_10209795994086215_4941051157844432815_n

АИЕСЕК ми помогна да станам поотворена и покомуникативна личност, да научам да го менаџирам времето, навреме да ги остварувам сите поставени цели и да се справам со стрес од недостаток на време. Овие вештини успеав да ги применам и во студентскиот живот, што ми се од голема корист.

Со членувањето во оваа органицација, во целост се запознав со начинот на кој таа функционира и колку се важни сите нејзините одделни функционални области, кои се меѓусебно заемно поврзани. Таа коегзистенција се гради и помеѓу нас  членовите на АИЕСЕК. Сите сме како големо семејство во кое секој е спремен да му помогне на другиот во давање на совет, мислење, искуство или поддршка.

Денес, многу сум им благодарна на  оние членови на АИЕСЕК кои пред една година, на штандот на Економски факултет ми дадоа голема мотивација да се зачленам во оваа организација која во целост ме промени и ме изгради како личност и тоа за само една година. Но моето искуство во АИЕСЕК не завршува тука, бидејќи АИЕСЕК е место каде секој има можност да се стекне со непресушни нови знаења, искуства и контакти!

dsdasd

Надоградувањето со нови знаења, искуство, контакти, информации за мене од непроценливо значење, па затоа и натаму ќе напредувам и ќе се надградувам со можностите кои ми ги нуди АИЕСЕК.

Мојата порака до секој студент е: „Ако си студент и сакаш да постигнеш нешто повеќе за време на твојот студентски живот, да се развиеш себеси и да научиш да ги развиваш и тие околу тебе, како и да стекнеш доживотни пријателства, АИЕСЕК е вистинското место за тебе. Аплицирај  веднаш!

AIESEC IS RECRUITING

АИЕСЕК е најголемата интернационална организација предводена од млади луѓе која се стреми за постигнување мир во општеството и исполнување на човечкиот потенцијал преку активирање на лидерски способности кај младите. Овозможува развој главно преку практични искуства во земјата во која живеат или интернационални искуства во над 120 земји.

Еден од начините преку кои студентите најмногу можат да ги развијат своите лидерски способности е да бидат дел од оваа организација.

АИЕСЕК нуди 7 области во кои можеш да развиеш нови вештини. Оние кои се дел од функционалните области Outgoing Exchange и External Relation можат да ги развијат своите продавачки и преговарачки вештини заради постојаниот контакт со студенти и компании. Додека во Marketing и Information Management членовите можат да ја развијат креативноста, нивните технички вештини или можеби да го надминат стравот од јавно говорење. Функционалните области базирани на размена (Outgoing Exchange и Incoming Exchange) ја даваат можноста да стапиш во контакт со луѓе во повеќе од 120 земји и да запознаеш многу различни култури и можеби да го развиеш јазикот кој го изучуваш. Оние пак кои сакаат да научат повеќе за правните обврски кои ги има една студентска организација или да менаџираат со финансии тоа го овозможува функционалната област Finance & Legality. Во седмата фунционална област, Talent Management, членовите напорно работат да се осигураат дека тимскиот дух и мотивацијата на членовите во организацијата се на високо ниво и го следат и менаџираат искуството на секој член посебно.

 

Оваа година со аплицирање за влез во оваа организација ја имаш и можноста да одбереш во која област најмногу сакаш да се развиеш и каде најмногу ќе придонесеш за остварувањето на визијата на АИЕСЕК – Мир и исполнување на човечкиот потенцијал.

Аплицирај овде!
Дознај повеќе за функционалните области овде!

 

Потпишан договор за Национално партнерство со Да Научиме

Да научиме е единствена веб страна која овозможува онлајн услуги со ваков вид на дејност. Нивната визија е да отворат таканаречен пазар на давање на приватни часови и да им овозможат на учениците да дадат свое мислење за подучувачите, со што би ја подигнале нивната репутација во рамките на оваа комплексна и карактеристична дејност.

Ние секојдневно го охрабруваме напредувањето и надоградувањето кај младите во секој поглед, затоа оваа соработка ни е многу драга и се надеваме дека сите заинтересирани ќе ја искористат оваа можност и ќе не исконтактираат за подетални информации.

Одсега нашите членови како и сите студенти на Економски факултет ќе можат да аплицираат за Еду Картичка по промотивна цена од 100 денари, секој ден во нашата канцелрија како и да учестуваат на серија настани организирани од двете страни.

Следете не, наскоро следува презентација на Економски факултет за целиот проeкт на Да Научиме!

Антонио Јовановски – Основач на невладината организација “Go Green” го раскажува неговото АИЕСЕК искуство

Антонио е дипломиран економист на смерот “Маркетинг” на Економскиот Факултет во Скопје и во 2009-та година ја започнува младинската еколошка невладина организација Go Green каде е и претседател до 2013-та година. Претходно е активен член на АИЕСЕК од 2003 до 2008 и носител на лидерски позиции во Македонија и Франција. Исто така со Go Green е еден од основачите на Националниот Младински Совет на Македонија и член на управниот одбор во периодот 2013-2016 година.

Од каде дознавте и зошто се приклучивте во АИЕСЕК?

  • Во АИЕСЕК се зачленив сосем случајно поминувајќи покрај канцеларијата на Економски Факултет. Студентите кои беа пред вратата зрачеа со позитивна енергија и решив да пополнам апликација. Таа апликација подоцна ми го промени животот.

Колку време бевте член на оваа организација и во која област членувавте?

  • Моето искуство во оваа организација траеше цели 5 незаборавни години. Кога се зачленив во АИЕСЕК влегов во 2003-та година како дел од проект за поддршка на извоз на македонски производи, потоа веднаш станав проектен менаџер на еден проект за размена со Унгарија. Потоа се решив да аплицирам за извршниот одбор на АИЕСЕК Скопје, како потпретседател за функционалната област Incoming Exchange, а потоа и уште една година како потпретседател за Надворешни односи, односно бев одговорен за брендинг и продажба. Истата година бев и организатор на проектот “Career Days” кој тогаш славеше 10 години од своето постоење. Потоа во 2006 година одлучив да стекнам повисоко лидерско искуство и алицирав за претседател на АИЕСЕК Македонија. Откако ја добив таа позиција па се до крајот на мандатот собрав огромно знаење за АИЕСЕК на меѓународно ниво и тоа многу ми помогна за наредната година да аплицирам за претседател на АИЕСЕК Франција. Во АИЕСЕК Франција имав можност да работам со извонредни менаџери од Alcatel-Lucent, Google, Hewlett Packard, а воедно и да водам организација со 14 локални канцеларии ширум Франција.

Дали би можеле да одвоите еден “highlight” од вашето АИЕСЕК искуство?

  • Од сето мое искуство во АИЕСЕК она што ми остави најголем впечаток беа изборите за претседател на АИЕСЕК Франција. Тоа е едно искуство коа засекогаш ќе го памтам и сеќавање кое секогаш ме мотивира да бидам подобар во се што правам.

Каква промена предизвика оваа организација кај вас?

  • Откако влегов во АИЕСЕК почнав да размислувам за самиот себе и за околината. Вредности кои еден човек треба да ги има и општество во кое сакаме да живееме. Оној круг на учење и “self-discovery“ процес кој го доживеав ме инспирираше и ме води ден денес низ животот. Мрежата на млади луѓе со иста визија за подобар свет е многу мотивирачка и искрената желба за позитивна промена до денес ми претставува водилка, но во исто време и предизвик.

Како членувањето во АИЕСЕК ви помогна во вашата кариера?

  • Она што најмногу ми помогна се вештините кои ги развив и способностите да развијам визија, поставувам стратегија, вршам продажба и одржувам контакти со луѓе од целиот свет. АИЕСЕК ме научи сам да ја создадам својата работа и да бидам успешен претприемач. Исто така, АИЕСЕК овозможува директен пристап до исклучителни бизнис лидери и тоа е одлично за да можеш дознаеш повеќе за корпоративниот сектор и луѓето кои работат. Притоа повеќето од тие бизнис лидери ги ценат вредностите на еден АИЕСЕКовец и знаат дека е подготвен за работа.

Дали имавте некоја потешкотија која успеавте да ја надминете во АИЕСЕК и преку тоа да стекнете и усовршите нова вештина?

  • Пред да влезам во АИЕСЕК имав потешкотија со јавно говорење, но откако станав член не само што ја совладав таа вештина, туку сега ми претставува задоволство да држам јавни говори, а воедно успеав и да го усовршам мојот англиски, а и да научам француски јазик.

Зошто би им препорачале на студентите да се зачленат во најголемата студентска организација АИЕСЕК?

  • АИЕСЕК е составен од луѓе кои те мотивираат да бидеш подобар човек. АИЕСЕК ти овозможува да се пронајдеш себеси и да дознаеш што вистински ќе те направи среќен, а од друга страна ќе ти ги развие вештините за да можеш да го достигнеш тоа. Затоа би им препорачал на сите студенти да го преземат овој чекор за да се пронајдат себеси, да ги создадат и почитуваат своите вредности и да се зачленат во оваа извонредна организација.

Која е најголемата промена која АИЕСЕК ја прави во општеството?

  • АИЕСЕК го развива потенцијалот кај младите и создава луѓе кои се свесни за самите себе и за глобалните проблеми и се подготвени да направат позитивна промена во светот преку нивното дејствување.